原先唔記得有任何生日禮物依回事
直致某一日有人問到 “想要咩生日禮物”
跟住靜左一靜諗左諗， 普通物質上既希望大致已完成
只剩下貴價物質希望， 但依D 野係要自己達成好似先會比較開心
唔洗十杪時間即諗， 我想得到一樣野，但係肯定係無人幫到
所以簡單答左句， 唔洗就算數
今年個預望睇黎都要膚淺一下， 其他野可以唔要， 但最想係心裹面諗既願望可以達成， 可以比我續續做奴隸重拾失去左既野
生日我可以有要求嗎？ 生日可以有期盼嗎？
但講到尾如果唔將佢當係重要既一日， 就只會係地球中其中一日
希望越小失望越小
到宜家都重係未決定到當日既安排
係屋企訓全日？出去閒遊一日？
收到神秘電話約會？
就快又一年， 星期五就係做冬既日子， 做冬或者新年既果一餐飯，由八年前開始， 我慢慢就覺得好重要，就係八年前我懶無去同媽媽食一次冬至飯， 之後我就再無機會可以同佢同枱食飯
雖然我係一個唔講野既野， 就算係飯局裹面我一粒聲都唔出， 但其實我係默默係裹面享受果一份溫情
所以自始，我就好希望做冬或者新年， 可以同到自己重視既人圍埋食一餐飯，感受我一路缺少既溫情
今年又會係點呢 ？ ：）
隨筆
估唔到依套戲會可以令我喊
無諗過喜愛夜蒲都會有喊位，但我喊反而我係開心
因為我真係唔開心， 谷左幾個月，半滴眼淚都流唔出
每次都只係可以做到眼晴水汪汪， 但總係流唔出一滴眼淚
最近你點呀？我地應該有一個月無見啦
最近你又好似有啲事發生左？ 無野嗎？ 有無諗起過我呀？
我過得好好， 可以唔洗擔心我，不過我想同你講， 我無搵你唔代表我有變，
我同樣地都係咁愛你， 只係我覺得你好似有野發展緊，
我無謂作出不必要既打擾， 但其實我仍然係背後默默咁留意住你，
睇下你有無野需要幫忙， 你可能會覺得我好痴線，
但其實我都只係想保護，我愛我重視既人， 想佢過得開心
點呀？ 收到我比你既特大 Snoopy 係咪好開心呢？
如果我都可以擁有一隻咁大既 Snoopy 我都會好開心
其實如果我地重一齊緊， 我無諗住咁快會比你嫁
因為我想佢係重要時候先出現，不過宜家唔緊要啦
我重可以同你聯絡幾耐都係一個未知數，
只要我重有能力見到你開心， 我就會做得幾多得幾多
所以我想完成你依個夢想， 就提早完你既心願加我既心願
今次我真係有花心思去諗點比你先係一個驚喜， 算係成功左一半吧？
依半年時間裹面， 你分別有兩次，
戲言地講出，「不如我地係番埋一齊」，
但每次我都會帶左去其他話題， 最後不了了知
我已經錯失左兩個可能係你心中動搖既機會啦
所以我同自己講，只要你再講多一次我就會即刻話「好」
我重可以聽多次嗎？
從前密密的發文， 是當表我心靈上有缺口
因為快樂時，我的情感的確會較少，亦會較少亂想
這裹的說話都是一句句不想對著人面碰面舒發
所以就在這暗地裹寫出心中的一切
希望有人可以注意到留意到，給予一點關心 …
又或者有時只係想打比一個目標讀者睇
希望佢可以接收到有些我難以直接說出口的說話
奇怪的數天， 我不知是否再次出現問題， 同時亦唔希望發生
我承認各方面的細心我比從前對自己的承諾是少了
又再是我將一切變得理所當然嗎 ?
不想再作一個循環，我覺得現在已經很好，所以只想一切平穩定走下去
可以嗎 ?
在此是想暗暗刻上一個記號，當在一個預言也好或回憶也好
因為‧有妳
充實滿足的一天, 衝破了自己
全因為你, 我願意到我令我不安的地方
全因為你, 我願意接受現實見未有心理準備的家長
說實話, 自你第一個來電問我何時來醫院探望你, 我已一直猶疑去還是不去 ?
但聽到你這柔弱的聲線, 我一直覺得你很想看到我, 希望可以得到安慰或依靠直到今天我知道已拖到不能再拖, 今天中午的通電仍未直接答覆你來還是不來, 好讓我作最後的決定, 直到出門前仍一直猶疑
在前往的車程上, 仍是傻傻的緊張得發抖, 因為實在不能想到見家長的刻會是怎樣, 但心只一直想「如果我跟你決定永遠在一起, 始終也要見面的, 何不大方一點 ?? 」這點其實比我要到不安的醫院還要更害怕, 但這是我的未來, 我一定要面對 !!!!
直到看到你前, 我仍在抖, 因太緊張了, 但看到你家人後, 吸了一口氣, 其實亦沒有甚麼大不了
對著你我感到有點慚愧, 不知何原因下你得知我對醫院的不安, 同時亦不想見家長, 自問我真的沒有那麼了解你,但時間過得更久, 希望可以把你不同的事變得更上心, 在你世界可能會有「果啲人, 果啲朋友」, 但在我世界「只得你, 只得親人, 只得小朋友」
個半小時的時間後快地就過去, 在一個失去自由欠缺體力的時間, 換轉是我一定想找些依靠(希望你心不是想「別騒擾我睡」), 所以我實在不想離開, 不想掉低你一個孤獨地辛苦
放心吧, 難捱的很快過, 緊記沿途有我 
/* Style Definitions */table.MsoNormalTable{mso-style-name:表格內文;mso-tstyle-rowband-size:0;mso-tstyle-colband-size:0;mso-style-noshow:yes;mso-style-priority:99;mso-style-qformat:yes;mso-style-parent:”";mso-padding-alt:0cm 5.4pt 0cm 5.4pt;mso-para-margin:0cm;mso-para-margin-bottom:.0001pt;mso-pagination:widow-orphan;font-size:12.0pt;mso-bidi-font-size:11.0pt;font-family:”Calibri”,”sans-serif”;mso-ascii-font-family:Calibri;mso-ascii-theme-font:minor-latin;mso-hansi-font-family:Calibri;mso-hansi-theme-font:minor-latin;mso-font-kerning:1.0pt;}
不經不覺7 年了, 你好嗎? 現在的你, 身份是甚麼 ? 還記得我嗎?
如果你已有新生活, 你又會曾經在我身邊出現過嗎?
你估爸, 的心情又會如何? 在他心中, 你現在的位置又會是?
還記得每年, 我對你說的話嗎? 我想?! 今年我應該可以執行了, 到時見
7年裏面, 由從前讀書逃學的小伙子, 再到終日在家工作的隱蔽青年
到了今年, 真正再答出社會, 面對人群, 學習社交, 你說這重新的開始我可成功嗎?
7年裏面相信我浪費左3分2時間, 真正學習得到的, 相信亦不多,
但慶幸你的兒子際遇也不錯, 不同時間總有唔同既人相助, 亦未見行差答錯,
但你可用你的能力, 把爸拿回正途嗎? 我不想他虛度晚年
最近身邊既某d事處, 又令我聯想起你的從前, 你能捱得過,
我相信她也能捱得過, 祝福你, 祝福她
