May 8, 2006

• 
  腥架變身 !!
  
  
  
  多番小許色彩  .....
  5知會唔會有一種新既感覺呢 ...
  
  
  60 樣香港人兒時做過既無聊野 *

  
  

  1` 玩米缸，將手插入米缸裡面既米裡面篤下篤下。
  2` 在百貨公司入面篤扶手電梯旁的吊牌。
  3` 地下有階磚時，特登隔一格一格黎行
  4` 用錶面反射陽光，照黎照去。
  5` 跳樓梯（愈多級愈勁）
  6` 行路上高起左地方（好似玩平衡木咁行法）
  7` 鋪張紙在硬幣上面，用鉛筆係上面油，油返個形出黎。
  8` 食完瑞士糖之後，將糖紙包番原本四方果個形出黎。
  9` 超級市場踩住架購物車黎行。
  10` 踩水TUM係好特登果隻。
  11` 吹口水波。
  12` 搣牆上的乳膠漆或牆紙。
  13` 係平滑既地面上面跣住咁行。
  14` 整濕D紙巾，掟上學校廁所天花頂。
  15` 食完香口膠，摺返成張包裝紙，再放返入個大套入面。
  16` 將粉刷霑滿粉筆粉，放係風扇上面，等個風扇轉轉下，
  　  轉得快個時飛黎，睇下個粉刷中邊個。
  17` 放膠袋（當風爭甘放）
  18` 去後梯執咸書睇，張睇完的咸書撕開飄落街。
  19` 貼張龜仔紙嚮同學背背脊果度。
  20` 踩人地個影。
  21` 狂踩人地對白飯魚，尤其是大肥仔果o的。
  22` 用幾條橡筋射同學。
  23` 掉人地門口的拖鞋落街。
  24` 打開防喉，射水落下面個球場，睇下射到幾遠。
  25` 擲水彈。
  26` 用氣鎗射街上的途人。
  27` 玩千揪，遙到咁上下就飛出去鬥遠。
  28` 落樓梯時坐係的扶手上面跣落黎。
  29` 在自動梯行相反方向。
  30` 沒有用的宣傳單張，胡亂放入其他的住宅信箱。
  31` 坐地鐵時，抓緊中間的扶手，地鐵一開博命自轉。
  32` 在月台上鬥快跑。
  33` 帶玩具返學。
  34` 用圖釘弄穿學校壁佈板。
  35` 亂按人家的門鐘，然後鬆人。
  36` 明知過了三歲，仍然不買票，撞地鐵的入 / 出閘機。
  37` 用改錯水（很舊的有一個掃那種）附送的天拿水，搽在手上。
  38` 在井字型公屋中間的大天井中放紙飛機，或者放紙青蜒，
          看看誰放的紙青蜒最慢由廿幾樓落到` 面。
  39` 煲蠟。
  40` 把汽水罐靜雞雞放在校車的車輪下攝住，開車時把它壓扁。
  41` 用螢光筆油指甲。
  42` 向學校D木台上面畫公仔。
  43` 用電筒 / 雷射筆射落街或者照住D路人。
  44` 搣碎D紙巾，然後拋出窗。
  45` 巴士一開車，就同佢鬥快跑（最終當然唔夠快啦）
  46` 落雨擔遮，懶係型咁轉把遮。
  47` 見倒D矮過自己既人行緊過黎，會好自然庭直條腰行。
  48` 將擦膠碎「初」成一粒黑色物體。
  49` 玩冒險樂園D遊戲（例如籃球或保齡球），
         企係最高或企係跑道既最尾玩。
  50` 地鐵出閘果時「捐」過閘口，拎走張地鐵飛當地圖。
  51` 屋企冇人果時，對住塊鏡學人跳舞 / 做戲 / 唱歌。
  52` 同細路爭一D無聊野，例如
       「美少女戰士角色: Sailor Moon係我既，火野麗係你既」或
      「四大天` ，黎明係我既，所以你唔准鍾意黎明，你鐘意郭富城啦」。
  53` 玩廁所水。
  54` 去到公園，係咁撕百千層D樹皮落黎。
  55` 慢慢行近麻雀到，企圖捉住佢地。
  56` 係街見到狗就扮貓叫，見到貓就扮狗吠。
  57` 趴係地上扮死，想嚇阿媽阿爸。
  58` 畫花報紙或書上既畫，為人物加牛角或者胭脂等等。
  59` 拎D元寶當船放係水上玩或者拋落街。
  60` 用條繩吊D野到落去住下面個戶人既窗前，然後FING來FING去，引人注意`
  
  上網既一篇文章 , 雖然之前好似睇過
  但今次睇完原來發現自己都做左幾多項 ....
  
  依排好多時都天光先訓 , 今日心血來潮
  影左日出既相 , 都幾好 feel
  
  
  
  
  
  

  • 10:15 am
  • 6 Comments